Четири лица загинаа во пожар во Бар во Црна Гора. Црногорската телевизија „Вјести“ од полициската управа потврди дека меѓу жртвите има 19-годишна девојка, двајца малолетници и една жена.
Пожарот избувнал рано утрото во населбата под ридот Волујица, јавува „Бар инфо“.
– Во 4.35 припадниците на Службата за заштита и спасување ги известиле дежурните од Одделението за обезбедување на Бар дека има пожар во монтажните бараки под Волујица, каде што живее ромско население. Пожарот зафатил неколку згради. Екипа пожарникари од Бар со повеќе возила пристигнала на местото на несреќата, а при гаснењето на пожарот биле пронајдени 4 тела – велат од полицијата.
Екипите сѐ уште се на терен.
Проследете го видеото тука.
