Унгарската полиција во текот на изминатата недела во пограничната зона открила 3.033 лица без валидни документи за престој во Унгарија. На оградата на унгарско-српската граница, воените и полициските патроли спречија 2.108 мигранти илегално да влезат во соседната земја.
Само вчера унгарската полиција и војници уапсиле 447 лица кои илегално влегле во земјата, а во близина на граничната заштитна ограда спречиле 728 лица илегално да влезат во Унгарија, јавува РТС.
Повеќето илегалци се уапсени во две окрузи кои граничат со Србија – 218 мигранти во округот Чонградско-канад и 185 луѓе во градовите и селата во округот Бач-Кискун, според унгарската полиција.
Меѓу приведените кои не можат да докажат легален престој во Унгарија се Сиријци, Индијци, Турци, државјани на Сомалија, Ирак, Багдад, Мароко, Палестина и Авганистан.
Во согласност со унгарските закони, полицијата ги спроведе сите илегални мигранти до границата со Србија.
