Како и речиси секоја година, така и оваа година Вимблдон ќе подели рекорден награден фонд.
За прв пат во историјата на ова натпреварување, износот на вкупните премии ќе надмине 50 милиони фунти (речиси 60 милиони евра).
Шампионите во сингл во двете конкуренции ќе бидат наградени со 2,7 милиони фунти (речиси 3,2 милиони евра), финалистите ќе добијат 1,4 милиони фунти итн.
Зголемувањето на вкупниот награден фонд изнесува 11,9 отсто, додека премиите наменети за квалификации ќе бидат повисоки за 14,9 отсто, со што ќе се продолжи политиката на зголемување на процентот на награди за помалку успешните натпреварувачи.
Поразените во првото коло од главниот турнир ќе добијат 60.000 фунти (околу 71 илјада евра).
Рекордот ќе биде забележан и во категоријата тенисери со посебни потреби, откако вкупните премии за прв пат ќе надминат еден милион фунти.
