Навивачите на АЕК емотивно се простија од убиениот навивач Михалис Катурис, кој го загуби животот при хулиганска тепачка што се случи минатата недела во Атина пред дуелот меѓу АЕК и Динамо Загреб во 3.квалификациско коло за Лигата на шампионите.
Реванш натпреварот меѓу АЕК и Динамо, кој првично беше одложен поради инцидентот, вечерва започна со едноминутно молчење, со огромна фотографија од навивачот кој трагично го загуби животот.
На првиот натпревар во Загреб, АЕК славеше победа со 2-1. На реваншот во Атина, хрватскиот тим води со 2-0 и пред пласман во пле-офот во кој победникот од овој дуел ќе игра против белгискиот Антверпен.
