Светскиот рекет број еден Новак Ѓоковиќ повторно ќе игра во финалето на АТП Мастерс 1000 турнирот во Париз, откако во полуфиналето го совлада Русинот Андреј Рубљев со 5:7, 7:6 (3), 7:5.
Три часа и една минута траеше одличен меч меѓу првиот и петтиот носител на турнирот во Париз. Беше тоа рамноправна и исклучително квалитетна борба во која Рубљев беше уште малку подобар до тај-брејкот од вториот сет.
За жал, и овој пат атмосферата на трибините беше доста наелектризирана. Париската публика со свирежи го испрати тенисерот од Србија, а тој одговори со два гестови.
Прво ја стави раката до увото, покажувајќи дека не може да ги слушне, а потоа со рацете покажа на меѓуножјето. Исто така, по натпреварот тој напиша порака на кирилица, а овој пат напиша „Одиме Србија“.
