Зголемениот холестерол е еден од најголемите фактори на ризик за развој на болести на срцето и крвните садови. Некои симптоми може да се појават во многу рана фаза, односно откако плочата штотуку почнала да се акумулира во нашите артерии, според лекарите, а првите знаци на оваа состојба најчесто се појавуваат ноќе.
Како што пренесува „Експрес“, избегнувањето третман за високо ниво на холестерол е една од главните причини за акумулација на наслаги во артериите. Покрај тоа, постои намалување на протокот на крв во садовите. Докторот Адам Стејтен вели дека ова значи дека мускулите и ткивата во телото немаат доволно добро снабдување со крв, што може да резултира со состојба позната како периферна артериска болест, пренесува Индекс.
„Тоа е истиот процес што води до срцев удар и мозочен удар, но со оваа состојба примарно се засегнати артериите на нозете, а нешто поретко на рацете“, додава Стејтен.
Според Клиниката во Кливленд, првите симптоми на висок холестерол кај болестите на периферните артерии се најчесто болка, грчеви и непријатност во нозете. Најчесто се јавуваат ноќе, нарушувајќи го сонот на човекот.
