Истражувањата покажаа дека големината на мозокот и интелигенцијата се поврзани кај луѓето, но врската е слаба.
Поголема глава значи поголем мозок, а поголем мозок значи повеќе интелигенција. Тоа изгледа логично, нели? Исто така, разни филмски и цртани ликови кои се фалат со суперинтелигенција често се прикажуваат со големи глави. Како и со многу митови, и во овој има зрно вистина. Истражувањето покажа дека големината на мозокот и интелигенцијата, мерени со тестови за интелигенција, се поврзани кај луѓето, но врската е слаба, изјави за Би-Би-Си невронаучникот и автор Кристијан Џарет.
Корелацијата не значи каузалност, нагласи Џарет. Има многу причини зошто научниците се претпазливи во толкувањето на врската, рече тој.
Познат исклучок: Алберт Ајнштајн
Првиот проблем е веќе во одредувањето кој има голема глава. Можеме само да кажеме дека некој има поголема глава од дијаметарот на луѓето чии глави сме ги измериле – но не сме ја измериле големината на главата на сите луѓе во светот. Друг проблем е што само големината на главата или мозокот нема да ви каже ништо за интелигенцијата на одредена индивидуа додека не се измери интелигенцијата.
Има и исклучоци. Најпознат исклучок е физичарот Алберт Ајнштајн. Кога направиле аутопсија по неговата смрт, научниците прво погледнале во неговиот мозок за да видат дали можат да ја откријат тајната на неговата интелигенција. И тие беа изненадени бидејќи неговиот мозок беше многу помал од просечниот мозок.
Слоновите и китовите, на пример, имаат мозок околу шест пати поголем од нашиот, но и покрај нивните несомнени знаци на интелигенција, тие не се толку паметни како нас. Од друга страна, има многу животни кои и покрај малиот мозок се способни за високоинтелигентни подвизи. Земете ги, на пример, врани, кои знаат да решат многу проблеми. Или бумбар кој може да се сети на локацијата на безброј цвеќиња на површина од неколку квадратни километри – нешто што нашиот мозок сигурно не може да го направи.
Повеќето експерти се согласуваат дека ефикасноста на невроните, т.е. колку брзо и сигурно невроните комуницираат едни со други и како клучните региони на мозокот се меѓусебно поврзани, е поважна за интелигенцијата отколку вкупната големина на мозокот, додаде Џарет.
