„Збирка аудиодрами од Горан Стефановски“ ќе биде промовирана вечерва (петок) со почеток во 17:00 часот во просториите на Европска куќа – Скопје. На постоечката платформа за аудио книги „Самоглас“ додадени се аудиодрамите „Гоце“, „Дупло дно“ и „Диво месо“.
„Ова е нова категорија која го збогатува постоечкиот каталог и ги промовира радиодрамите, како еден речиси заборавен медиум. Ова е одличен начин да се приближи творештвото на Горан Стефановски и да се освежи македонскиот медиумски интернет простор.
На аудиодрамите работеа професионални актери и режисери со кои што се истражија креативните пристапи на овој медиум, а притоа давајќи нови решенија на добро познатите драми на Горан Стефановски.
Особена благодарност до Игор Стефановски кој што преку Здружението на граѓани за зачувување и промоција на културното наследство на Горан Стефановски ги овозможи авторските права за истите“, велат организаторите.
