Од Министерството за надворешни работи на Република Македонија е испратени соопштение дека во 19 часот, министерот Бујар Османи ќе одржи средба со новинарите.
– Министерот за надворешни работи Бујар Османи, денес (17.07.2022) во 19:00 часот, веднаш по враќањето од Софија, ќе одржи брифинг со медиумите – се вели во соопштението.
Претходно од МНР добивме известување дека веднаш по потпишувањето на протоколот со Бугарија во Софија, содржината на документот ќе биде објавена за јавноста. Сепак, бугарските медими информираат дека протоколот ќе биде објавен утре или во текот на наредната недела.
Неизвесно е дали Османи на состанокот со новинарите ќе ја објави целосната содржина на потпишаниот протокол, со кој се одредуваат идните односи на Македонија и на Бугарија.
