Кога луѓето мислат на јаглени хидрати, компирот може да биде меѓу првите намирници што ќе ни паднат на ум. Исто така, повеќето луѓе веројатно се свесни за фактот дека јадењата со компири, како што е помфритот, не се здрави како стапчињата од морков или целер, но и дека претерувањето со нив може да го зголеми ризикот од кардиоваскуларни болести поради високата содржина на масти и сол.
Сепак, иако има толку лоша репутација, компирот е нутритивно многу богата храна, која го снабдува организмот со сложени јаглехидрати и други вредни материи.
Компирот со средна големина со кора, тежок околу 213 грама, содржи околу 164 калории и 4,5 грама влакна, речиси 20 отсто од дневната потреба за калиум, 46 отсто од дневната потреба за витамин Ц и 4,4 грама растителни протеини. Заедно со многу други хранливи материи, тој е добар извор на витамини, вклучувајќи го и витаминот Б6.
„Многу луѓе мислат дека слаткиот компир е подобар за здравјето, но тоа всушност не е точно“, вели нутриционистката Ејми Гудсон. „Хранливата вредност на двете намирници е многу слична, со тоа што белиот компир има повеќе калиум, а слатките компири повеќе бета-каротен, што им ја дава портокаловата боја.
Вашето здравје на цревата може да се подобри
Кога јадете премногу топол компир, нивниот скроб брзо се разложува на гликоза, што го зголемува шеќерот во крвта. Скробот во ладниот компир е познат како скроб од тип 3, кој делува и како растворливи и нерастворливи влакна. Со оглед на тоа колку се отпорни на варење, шеќерите од овој скроб не се апсорбираат во крвотокот. Наместо тоа, отпорниот скроб се движи кон дебелото црево, каде што се разложува од здрави бактерии. Потоа служи како пребиотик со кој се хранат.
Лесно можете да постигнете ситост со јадење компири
Нискокалорични, богати со вода и умерени влакна и протеини, една порција компири може да биде добра за слабеење, особено кога ќе размислите колку заситуваат.
Компирот може да предизвика зголемување на телесната тежина
Самите компири не се многу калорични, но начинот на кој се подготвуваат и големината на порцијата на крајот ја прават разликата. На пример, една шолја гратин од компир на база на путер, со додавање на презла, чедар сирење и млеко, содржи 323 калории и 11,6 грама заситени масти.
Познато е и дека редовното консумирање помфрит предизвикува зголемување на телесната тежина. Студија од 2007 година од The American Journal of Clinical Nutrition покажа дека јадењето пржена храна како помфрит е директно поврзано со дебелината.
Може да ви се зголеми шеќерот во крвта
Зголемениот шеќер во крвта со текот на времето може да доведе до преддијабетес, инсулинска резистенција и дијабетес тип 2. „Клучот е да се комбинираат компирите и другите видови јаглехидрати со протеини како посно говедско месо, пилешко, риба или јајца“, советува Гудсон. „Протеините помагаат во забавување на варењето и на тој начин помагаат во спречување на скокови на шеќерот во крвта.
Пржениот компир може негативно да влијае на меморијата
Потенцијалното влијание на компирот врз здравјето на мозокот повторно се сведува на начинот на кој тие се подготвуваат. „Студиите го поврзаа помфритот и другата пржена храна со нарушена концентрација и меморија и зголемени воспалителни реакции во мозокот“, вели нутриционистката Мери Виртц.
Една студија објавена во Журналот на нутриционалната наука покажа дека учесниците чија диета вклучувала најмногу пржена храна имаат најниски резултати на тестовите за меморија и когнитивни способности.
Пржениот компир го поттикнува стареењето на кожата
„Конзумирањето прекумерни количини на пржена храна може да резултира со оштетување и воспаление на клетките, што може да го забрза процесот на стареење. Воспалителниот одговор на кожата е видлив со видливите знаци на ослабена еластичност на кожата – брчки, оток и акни“, вели нутриционистот Џон Бурдеос.
Меѓутоа, ако навистина уживате во помфрит, Бурдеос предлага да го подготвите со кора и да го пржите на воздух или во рерна.
Може да имате повеќе енергија за вежбање
Според Гудсон, компирите со средна големина се одличен извор на јаглехидрати и други хранливи материи, а идеален начин за нивно подготвување е со варење или печење, пренесува Индекс.
