Германската министерка за надворешни работи Аналена Бербок денеска навести дека Берлин треба да размисли за воведување ембарго на нафта од Русија поради нејзината окупација врз Украина. Бербок рече дека е важно да се заземе став наместо да се молчи поради економската или енергетската зависност од Русија.
– Иако е тешко, треба да се заземе став, вклучително и прашања поврзани со нафтата или ембаргото за други производи – рече Бербок.
Германија добива околу една третина од вкупната количина нафта и половина од јаглен и природен гас од Русија. Зборувајќи за безбедносната политика, Бербок предупреди и на зголеменото влијание на Кина врз енергетската инфраструктура во Африка и Азија, велејќи дека Германија наскоро ќе предложи нова стратегија за односите со Пекинг.
Кризата со поскапување на цените на енергенсите во целиот свет ќе се одрази и на храната. Од Светската програма за храна(СПХ) потсетуваат за наглиот раст на цената на житото и покрај тоа што СПХ купува половина од произведеното жито во земјата.
– Со рекордно високите глобални цени на храната, СПХ е загрижена за влијанието на украинската криза врз светската безбедност на храната, особено во местата погодени од глад – рече Керн, претставник од СПХ.
Според него изјави дека синџирите за снабдување со храна во Украина веќе се распаѓаат, предупредувајќи дека дел од инфраструктурата е уништена, а продавниците и складиштата се празни.
– Синџирот за снабдување со храна во земјата се распаѓа. Движењето на стоки е забавено поради небезбедноста – рече Јакоб Керн, координатор за итни случаи на СПХ, во врска со кризата во Украина.
Тој изрази загриженост за ситуацијата во градови како што е Мариупол, додавајќи дека резервите на храна и вода се при крај и дека нивните конвои не можат да влезат во градот.
Поради инфлацијата и украинската криза, СПХ плаќа дополнителни 71 милион долари месечно за храна.
– Сега ги менуваме добавувачите, но тоа се одразува на цените. Колку подалеку купувате, толку станува поскапо – наглчаси Керн.
