„На 24 мај сите сме Бугари“, ја започна својата честитка за празникот Кирил и Методиј бугарскиот претседател Румен Радев.
– Денес има седум милиони Бугари во Бугарија, милиони други се надвор од татковината. Но, секогаш постои невидлива татковина што секој ја носи со себе каде и да оди. Тоа е бугарскиот јазик. Од раѓање сме предодредени да размислуваме и да чувствуваме на богат, звучен, нијансиран и изразен мајчин јазик. Јазикот нè инспирира, јазикот нè утешува. Јазикот е нашиот дом и надеж во тешките и осамени моменти, особено далеку од татковината – порачува Радев.
