Првиот обид за лансирање на сателит од Велика Британија не успеа во понеделникот нешто пред полноќ, кога компанијата за лансирање Virgin Orbit извести за „аномалија“ што ја спречи ракетата да стигне до орбитата.
Мисијата Start Me Up полета од пистата на аеродромот Cornwall Newquay со ракетата на Virgin’s LauncherOne носена под крилото на модифицираниот Боинг 747 и подоцна пуштен над Атлантскиот Океан.
Но, непосредно пред полноќ, претставник на Virgin Orbit во директен пренос објави дека ракетата претрпела „аномалија“ поради која таа не успеала да стигне до орбитата.
„Се чини дека имаме аномалија што не спречи да стигнеме до орбитата. Ги оценуваме информациите“, соопштија од Virgin Orbit.
Ракетата требаше да го запали својот мотор на височина од околу 10 илјади километри над Атлантикот и да однесе девет мали сателити, со различни цивилни и одбранбени апликации, во орбитата на Земјата.
Британската управа за цивилно воздухопловство (CAA) ја овласти Вирџин Орбит, делумно во сопственост на милијардерот Ричард Бренсон, да го изврши првото британско вселенско лансирање.
Стотици луѓе го следеа полетувањето на Боинг 747 со ракета во Њукеј околу 22:15 часот, додека од звучниците се огласи песната Start Me Up на Ролинг Стоунс, по која беше именувана мисијата.
РОЈТЕРС/Хенри Николс
Тоа требаше да биде прв пат сателитите да бидат лансирани од Европа.
Неуспехот задава дополнителен удар на европските вселенски амбиции откако италијанската ракета Вега-Ц не успеа по полетувањето од Француска Гвајана кон крајот на декември.
