Познатиот македонски музичар Мирчо Чуков, член на легендарната музичка група „Интервали“ почина на 65-годишна возраст во Струмица, јавија вчера локалните портали.
Веста за ненадејната смрт ја соопшти СДСМ од Ново Село, родното место на Мирчо, а во оваа партија тој беше член.
„Изгубивме голем сопартиец, борец, а пред сѐ, голем човек! Почивај во мир, пријателе! Сочувство до фамилијата!“, стои во нивната објава на Фејсбук.
Засега не е позната точната причина за смртта на Чуков.
Музичарот ја остави во тага својата сопруга Снежана, со која заедно 30 години беа дел од „Интервали“.
„Ех, да сакаш“, „Плачела“, „Ноќта е сtворена за грев“, „Те молам немој“, „Дана“, „Ана“… се само дел од познатите хитови на групата „Интервали“.
ФОТО: Фејсбук/Strumicanet
