„Бугарија нема да подлегне на рекет и уцени да го плаќа природниот гас во руски рубљи, а во исто време нема да го намали снабдувањето со природен гас за потрошувачите во земјата. Министерството за енергетика на Бугарија има јасен акциски план во сегашната ситуација“.
Вака изјави бугарскиот премиер Кирил Петков по денешната најава дека руски „Газпром“ ќе го сопре гасот за „Булгартранз“. Според него, властите во земјата на ниту еден начин нема да го намалат снабдувањето со гас на потрошувачите, пишува 24часа.
Петков додаде дека прекинот на испораката на гас за Бугарија е кршење на сегашниот договор. Според него, Бугарија ги преиспитува сите договори со „Газпром“, вклучително и договорот за транзит низ Бугарија, бидејќи, како што порача, едностраното дејство на изнуда е неприфатливо.
