Лионел Меси, кој со Аргентина го освои Светското првенство во Катар во декември, во средата се врати во тренинг центарот на Пари Сен Жермен, соопшти парискиот клуб.
Седумкратниот освојувач на Златната топка го напушти родниот град Росарио во понеделникот вечерта со своето семејство и слета на аеродромот Ле Бурже северно од Париз во вторникот.
По грандиозните свечености по неговата титула на Светското првенство со Албиселесте, аргентинскиот напаѓач ги искористи неколкуте слободни денови со семејството пред да им се придружи на соиграчите во парискиот клуб.
На полигонот лоциран во Сент Жермен-ан-Леј (Ивелин), тој беше пречекан од почесна гарда на присутните играчи, пред да добие мал трофеј од рацете на фудбалскиот советник на ПСЖ, Луис Кампос.
Меси беше последниот од играчите на ПСЖ кои учествуваа на СП во Катра, кој се врати на тренинзите. Килијан Мбапе, неговиот противник во финалето на Светското првенство, како и Мароканецот Ахраф Хакими, четврти во Катар, се вратија на 21 декември, само три дена по завршувањето на првенството.
Парижаните играат натпревар од Купот на Франција во Шатору во петок, веројатно без Меси, кој веројатно би можел да се врати на теренот во осминафиналето на францускиот шампионат против Анже следната среда.
