Сите цигари кои се произведуваат или увезуваат во Србија од 1 јануари годинава мора да се произведуваат со хартија за самогаснење, како што е предвидено со стапувањето во сила на новата уредба за утврдување на листата на стандарди од областа на општата безбедност на производите.
Можноста цигарите кои не го исполнуваат овој услов да се најдат на пазарот во наредниот период постои само во случај на залихи произведени или увезени пред 1 јануари 2023 година.
Замената на обичната хартија со хартија што само гасне, која не влијае на вкусот на цигарите, е дел од процесот на усогласување со стандардите на Европската Унија, со цел можноста за пожари предизвикани од неизгаснати цигари да се сведе на минимум.
