Заменик началникот на украинската полиција во регионот Харков денеска изјави дека на териториите ослободени од руската окупација во последниот месец, од 7 септември досега, се ексхумирани телата на 534 цивили, меѓу кои и на 19 деца.
– Меѓу нив има тела на 226 жени и 260 мажи и останки на 29 лица чиј пол се уште не е утврден – рече тој.
„Во оваа бројка се вклучени и телата кои беа ексхумирани од масовната гробница во близина на Изум”, додаде тој.
Кога репортерката на Би-би-си, Орла Герин, ја посетила масовната гробница во близина на Изум во средината на септември, регионалниот обвинител во Харков и рекол дека некои од телата покажуваат знаци на тортура, додека останатите се останки на луѓе убиени во руски воздушни и артилериски напади.
