Многу пати била во кадар додека Новак Ѓоковиќ го тепал на теренот нејзиното момче. Но, долго не се знаеше за чија убавица станува збор.
Таа и во финалето на тенискиот турнир во Аделаида навиваше против Србинот.
Но, сега е јасно и зошто…
Ивана Недвед е ќерка на поранешниот чешки играч и фудбалер на Јувентус, Павел Недвед. Но, поважно е дека таа е девојка на Себастијан Корда, кој во неделата во финалето на турнирот во Аделаида беше поразен токму од Новак Ѓоковиќ.
Поранешниот најдобар светски тенисер Новак Ѓоковиќ триумфираше на АТП турнирот во австралискиот град Аделаида откако со пресврт го совлада во финалето Американецот Себастијан Корда со 2-1 во сетови (6-7,7-6,6-4). Финалето траеше 3 часа и 9 минути, а покрај Ѓоковиќ и Корда, се изнамачи и Ивана.
Таа и Себастијан се во врска подолго време, но од кога точно не откриваат.
