Јужна Кореја го забележа во вторникот најстудениот ден во сезоната, со температура од минус 25,5 степени Целзиусови во главниот град Сеул и минус 39,3 степени на северот на земјата, објавија локалните медиуми.
Утринските ниски температури во Сеул паднаа на минус 16,4 степени Целзиусови и минус 25,5 степени Целзиусови во северната област Чеорвон, која граничи со Северна Кореја, соопшти државната метеоролошка агенција Корејската метеоролошка управа (KMA).
Обилните снежни врнежи и силните ветрови, исто така, предизвикаа откажување на 466 домашни летови во некои делови од земјата додека луѓето се враќаа од лунарниот новогодишен празник, објави Јонхап њуз.
Запрено е и пловењето на стотици патнички бродови низ целата земја.
КМА прогнозираше и ниска температура во среда која ќе се движи од минус девет до минус 23 степени.
Фотографиите објавени од метеоролошката агенција покажаа снежна бура во градот Џеџу на најголемиот јужнокорејски остров и обилни снежни врнежи во југозападниот град Гвангжу, што предизвика прекини во транспортот на патниците кои се враќаа дома по четиридневниот лунарен новогодишен одмор.
