Политиката го уништува тенисот, а одлуката да им се забрани настап на Русите и Белорусите на грен – слем турнирот во Вимблдон не е начин за решавање на проблемот, оцени денеска легендарната тенисерка Мартина Навратилова.
– Колку и да ми е жал поради украинските играчи и народот, мислам дека Англичаните со овој чекор отидоа предалеку – изјави Навратилова.
Легендарната тенисерка во својата кариера освои 18 грен – слем титули од кои половината во Вимблдон.
Нејзината реакција доаѓа откако организаторите на Вимблдон и Британската тениска федерација во вторникот донесоа одлука да им забранат настап на руските и белоруските тенисери на грен-слем турнирот од 27 јуни до 10 јули.
Одлуката на британската страна наиде на несогласување и од Здружението на тениски професионалци (АТП).+
