Британската влада го принуди Роман Абрамович да го продаде Челзи и му го блокираше целиот имот на Островот, а сега слично нешто му се случува и на неговиот сонародник во Русија. Имено, претседателот на Спартак Леонид Федун остана без голем дел од своето богатство поради коментарите за војната на Путин во Украина, а сега мора да го продаде клубот.
Руските медиуми јавуваат дека Федун му се спротивставил на рускиот претседател и во јавна изјава побарал прекин на војната во Украина, а локалните новинари тврдат дека тоа е причината за неговиот брз финансиски колапс.
Сопственик „Лукоил“
Федун е сопственик на нафтената компанија Лукоил и е еден од најеминентните руски бизнисмени, но ќе мора да ја продаде својата гордост, а тврдењето дека клубот е на продажба го потврди и еден од луѓето од Рускиот фудбалски сојуз. Владимир Афанасиев.Спартак моментално е деветти во тамошниот шампионат со 27 бода, 21 помалку од водечкиот Зенит, а инаку е најуспешен руски клуб со 10 шампионски титули.
