Кремљ објави дека прекинот на испораката на руски гас за Германија преку стратешкиот гасовод Северен тек е единствена вина на Западот, бидејќи нивните санкции го оневозможуваат одржувањето на гасната инфраструктура.
„Проблемите со пумпањето (гас) беа предизвикани од санкциите од западните земји“, рече портпаролот на Кремљ, Дмитриј Песков.
Тој додаде дека „нема друга причина за овие проблеми“, неколку дена по исклучувањето на „Северен тек“, клучниот гасовод за снабдување на Европејците.
Рускиот гигант Газпром во петокот објави дека протокот на гас преку гасоводот Северен тек, важен за испораките во Европа, ќе биде „целосно“ прекинат додека не се поправи турбината, а требаше да продолжи со работа утре, по три дневен прекин поради работи за одржување на истиот.
