Австралискиот тенисер Ник Кирјос кој се бореше до крај против Новак Ѓоковиќ во финалето на Вимблдон, о натпреварот изјави дека Ѓоковиќ е како Бог.
– Да, Ѓоковиќ е како Бог, нема да ве лажам. Најпрво честитки до него, тој го освојуваше турниров, ни јас не знам колку пати. Ви благодарам на сите, иако имавме тежок однос, но сепак ми ги направивте овие две недели посебни во мојот живот – рече Кирјос за кого ова е прво финале на Вимблдон.
И Ѓоковиќ беше емотивен и кажа пофални зборови за Кирјос.
– Ник, ќе се вратиш посилен. Не само на Вимблдон, туку и на некој друг гренслем-турнир. Знам дека е тешко да се пронајдат зборови за утеха по пораз, но покажа зошто си тука. Навистина многу те почитувам, ти си одличен тенисер. Никогаш не мислев дека ќе кажам толку убави зборови за тебе, со оглед на тоа во какви односи бевме – рече Ѓоковиќ.
