Исплата за субвенциониран студентски оброк ќе има до крајот на месецот, информира Министерството за образование и наука, нагласувајќи дека исплатата на средства по основ на субвенциониран студентски оброк ќе „легне“ на трансакциските сметки до крајот на тековниот месец.
„Сите студенти кои ќе го остварат правото, ретроактивно на своите трансакциски сметки ќе добијат парични средства за два и пол месеци, односно за половина септември и за октомври и ноември. Во моментов, комисија во рамки на Министерството за образование и наука задолжена за проверка дали студентите/апликантите ги исполнуваат условите согласно Законот за субвенциониран студентски оброк, врши компарација на податоците наведени во апликациите и во податоците кои ги добивме од другите надлежни институции – УЈП, АВРМ, ФПИОМ, МВР и сите универзитети“, се наведува вбо соопштението..
Секој студент илиапликант ќе добие решение преку системот преку кој се аплицираше, а веднаш потоа ќе се реализира и исплатата.
На повикот кој траеше од 25 ноември до 3 декември, пристигле над 31 илјада апликации.
