Земјотрес со јачина од 6,2 степени според Рихтеровата скала го погоди регионот Папуа во Индонезија, објави во саботата Европскиот сеизмолошки центар (EMSC).
Земјотресот е регистриран на 262 километри североисточно од Биак, Индонезија на длабочина од 10 километри, додаде EMSC.
Биак е остров кој се наоѓа во близина на северниот брег на Папуа, индонезиска провинција и е најголемиот остров во неговиот архипелаг.
Нема потенцијална опасност од цунами, објави државната геофизичка агенција БМКГ.
Засега нема информации за жртви и материјална штета.
