Кирил Тимошенко, заменик-шефот на кабинетот на украинскиот претседател, денеска објави дека побарал од претседателот Володимир Зеленски да го разреши, пренесува Ројтерс.
„Му благодарам на претседателот на Украина Володимир Зеленски за довербата и можноста да правиме добри дела секој ден и секоја минута“, рече Тимошенко.
Тој не ја наведе причината за оставката, но украинските медиуми пишуваат дека Тимошенко би можела да биде дел од кадровските промени што ги најави претседателот.
Од почетокот на руската инвазија на Украина, според украинските медиуми, Тимошенко била вмешана во неколку скандали поврзани со лична употреба на скапи автомобили, но тој ги отфрлил обвинувањата, пренесува Ројтерс.
