Се повеќе истражувања покажуваат дека деменцијата е резултат на лоши животни одлуки, а високо на листата на главни виновници се газираните и засладените пијалоци, тврдат експертите.
„Деменцијата можеби на многумина им изгледа неизбежна, но податоците што ги имаме ни кажуваат дека најчесто е резултат на нездрав начин на живот. Можеби треба двапати да размислите за конзумирање газирани пијалоци и други слатки производи бидејќи, без сомнение, една од водечките причини за губење на меморијата е шеќерот кој се наоѓа и во храната и во пијалоците“, предупредува нутриционистот Рори Бат.
Според него, еден од механизмите кои предизвикуваат губење на меморијата е токму променетиот метаболизам на шеќерот во мозокот.
Зголемен ризик од Алцхајмерова болест
„Исто како кај дијабетесот, каде што клетките можат да станат отпорни на дејството на инсулинот, човечкиот мозок реагира на ист начин. Всушност, болестите како Алцхајмеровата всушност понекогаш се нарекуваат дијабетес тип 3. Ова се случува поради отпорноста на инсулин што се јавува во мозокот и го менува метаболизмот, а со тоа и самиот начин на кој информациите се обработуваат“, објаснува Бат.
И науката го потврди неговото размислување. Истражувањето презентирано на Меѓународната конференција на Здружението за Алцхајмерова болест покажа тесна поврзаност помеѓу консумирањето на засладени пијалоци и зголемениот ризик од Алцхајмерова болест, најчеста причина за деменција.
Без разлика за каков вид на шеќер се работи, дали се работи за газирани пијалоци, слатки или колачи, утврдено е дека луѓето кои консумираат најмногу шеќери имаат најголем ризик да заболат од оваа болест.
Обидете се да го намалите нивниот внес
Сепак, најголемо влијание научниците насочиле токму кон консумирањето газирани пијалоци како главна причина за појава на деменција кај испитаниците.
„Премногу шеќер во газираните пијалоци е силно поврзан со дијабетес тип 2, а нашето претходно истражување го идентификуваше дијабетесот тип 2 како фактор на ризик за деменција. Ново истражување го поддржува овој доказ, укажувајќи дека вишокот шеќер во споменатите пијалоци може да го зголеми ризикот од Алцхајмерова болест, а со намалување на газираните пијалоци го намалуваме ризикот од развој на деменција на подоцнежна возраст“, забележува докторот и автор на споменатото. истражување Даг Браун.
