Иако според многу експерти тоа не е добро за здравјето, диетата со јогурт може да биде дури и корисна, но само ако со јогуртот земаме и други хранливи материи.
Оваа диета е една од оние кои ветуваат брзо слабеење за само неколку дена, а е креирана од велнес експертот и актерка Џени Маи. Таа тврди дека мастите од јогуртот го произведуваат хормонот кортизол, кој негативно влијае на гладот, а аминокиселините помагаат во согорувањето на мастите.
Многу луѓе избираат јогурт за појадок или вечера затоа што е лесен, помага во работата на цревата и го обезбедува нивното здравје, а некои истражувања дури тврдат дека помага и за слабеење. Со диета со јогурт можете да изгубите дури три килограми за четири дена, но со секоја диета и брзо слабеење треба да бидете внимателни и прво да се консултирате со лекар.
Придобивките од јогуртот
Јогуртот има многу здравствени придобивки, а најдобрата е онаа која нема додадени шеќери. Бактериите што се користат за правење јогурт се нарекуваат „култури на јогурт“, кои ферментираат лактоза, природен шеќер кој се наоѓа во млекото. Овој процес произведува млечна киселина, супстанца која предизвикува коагулација на млечните протеини, давајќи му на јогуртот уникатен вкус и текстура.
Јогуртот содржи многу хранливи материи кои му се потребни на телото – само една шолја обезбедува 49 проценти од дневните потреби за калциум, минерал важен за здрави заби и коски. Богат е и со витамини од групата Б, особено со витамин Б12 и рибофлавин, кои можат да штитат од срцеви заболувања и одредени вродени дефекти на невралната туба. Фосфорот, магнезиумот и калиумот во јогуртот се неопходни за регулирање на крвниот притисок, метаболизмот и здравјето на коските.
Како диетата со јогурт го зајакнува имунитетот?
Силниот имунитет започнува во цревата, а некои видови на пробиотици кои се наоѓаат во јогуртите, како што се Bifidobacteria и Lactobacillus, се покажа дека ги намалуваат непријатните симптоми на синдром на нервозно дебело црево (IBS).
Редовното консумирање јогурт, особено ако содржи пробиотици, може да го зајакне вашиот имунолошки систем и да ја намали веројатноста за инфекција со патогени. Познато е дека пробиотиците потенцијално го намалуваат воспалението, кое е поврзано со неколку здравствени состојби, од вирусни инфекции до цревни нарушувања.
Како се спроведува диетата со јогурт?
Диетата со јогурт е идеална за оние кои постојано брзаат бидејќи е лесна за спроведување, а на работа можете да носите и храна со себе. Еве пример на диета со јогурт за еден ден:
Појадок
Чаша овесна каша со додавање на јаткасти плодови како бадеми или лешници и јогурт.
Закуска
Овошје – едно јаболко или портокал.
Ручек
Салата од сезонски зеленчук, пилешки или мисиркини гради на скара минимално зачинета.
Вечера
Две чаши јогурт.
Јогуртот е одличен и како прелив за салати, како додаток на овошните смути, а од него можете да направите и здрав сладолед.
Недостатоци на диетата со јогурт
Секако, никогаш не треба да ја следите оваа диета доколку имате здравствени проблеми или сте дијабетичар. Иако јогуртот може да биде дел од хранлива диета, не сите такви производи се здрави. Всушност, многу јогурти содржат големи количини на додаден шеќер, особено оние означени како ниски или оние со низок процент на масти, како и овошје.
Диетата со јогурт, како и секоја друга, може да има различни ефекти врз сечиј организам. Доколку забележите дека ви се влоши квалитетот на ноктите, косата и кожата, имате запек, уморни сте и без енергија, веднаш прекинете со диетата. Секоја диета во која ќе го ограничите внесувањето на група намирници, како што се јаглехидратите, може да го наруши метаболизмот и да предизвика здравствени проблеми.
