Тоалетната хартија е обично бела, но дали некогаш сте се запрашале зошто е тоа така?
Прво, важно е да се разбере како се прави тоалетна хартија. Тоалетната хартија е направена од целулозни влакна кои се добиваат или директно од дрво или од рециклирана хартија, вели хемичарот Џесика Карет.
Влакната се мешаат со вода за да се добие кашеста маса. Производството на тоалетна хартија се состои од два дела: правење сирова хартија и нејзино претворање во финален производ што го купувате во продавница, објаснува Дејвид Алтемир, консултант кој работи со фабрики за тоалетна хартија во САД.
Производителите ја избелуваат дрвната маса со водород пероксид или хлор за да ја направат бела. Оваа процедура за избелување е повеќе од само естетски процес. Имено, со ова се отстранува и супстанцијата позната како лигнин, која ја омекнува хартијата.
Карет забележува дека целулозните влакна се исто така природно бели. Сепак, лепилото што ги поврзува е со кафена боја, која се губи благодарение на белилото.
Значи, не е само процесот на производство, туку и суровината што ја прави бела тоалетна хартија. Понатаму, ако тоалетната хартија се произведува од рециклирана хартија, тогаш најчесто се користи канцелариски отпад или хартија за печатач, која во основа е веќе бела по боја.
Накратко, белата боја на тоалетната хартија е повеќе конвенционална отколку функционална, бидејќи тоалетната хартија не мора нужно да биде бела за да биде мека и впива, пишува RD.
Но, постојат и разни видови тоалетна хартија во други бои, но Алтемир наведува дека обоената тоалетна хартија ги зголемува трошоците за производство на ролни.
Повеќето тоалетна хартија во Северна Америка е бела поради претпочитањето на потрошувачите, вели Карет, додавајќи дека ситуацијата е поинаква во Јужна Америка и Европа каде тоалетната хартија може да дојде во различни бои.
