Рускиот претседател Владимир Путин в четврток во Астана ќе има средба со турскиот шеф на државата, Реџеп Таип Ердоган за да разговара за ситуацијата во Украина и за билатералните односи, соопшти денеска Кремљ.
Состанокот ќе се одржи во главниот град на Казахстан, на маргините на регионалниот самит во Астана, додаде портпаролот на Кремљ, Дмитриј Песков.
Песков претходно изјави дека е „можно” двајцата лидери да разговараат за предлогот на Турција за разговори меѓу Русија и Западот на тема мир во Украина.
Портпаролот на Кремљ исто така вели дека американското ветување за испраќање современи системи за ПВО во Украина само значи дека конфликтот ќе се пролонгира и ќе и се нанесе поголема штета на Украина.
