Претседателот на Соединетите Американски Држави, Џо Бајден изјави дека Вашингтон не разговара за заеднички нуклеарни вежби со Јужна Кореја и покрај заканата од Северна Кореја.
Јужнокорејскиот претседател Џун Сук-јеол претходно во интервју за весникот „Чосун Илбо“ изјави дека Сеул и Вашингтон се вклучени во дискусии за спроведување на заеднички вежби со употреба на нуклеарни средства за ефективно одвраќање и дека Вашингтон е доста позитивен во врска со идејата.
Сепак, Бајден накратко и категорично ги отфрли тврдењата на јужнокорејскиот колега.
Тензиите на Корејскиот полуостров повторно се зголемија откако Северна Кореја лансираше десетици проектили минатата година во серија тестови на оружје, вклучително и интерконтинентални балистички ракети.
Сеул: Бајден немаше друг избор освен да негира, беше прашан без контекст
Сеул денеска повторно потврди дека се водат преговори со Вашингтон за заеднички воени вежби кои вклучуваат американски нуклеарни средства за да се спротивстават на растечките закани на Северна Кореја, неколку часа откако американскиот претседател Џо Бајден тоа го демантираше.
Јужнокорејското претседателство изјави дека „двајцата сојузници разговараат за прашањето за споделување разузнавачки информации, заедничко планирање и планови за заедничка имплементација кои произлегуваат од експлоатацијата на американските нуклеарни средства за да се спротивстават на нуклеарното оружје на Јужна Кореја“.
Канцеларијата на Џун го забележа одговорот на Бајден, но рече дека Бајден нема друг избор освен да каже „не“ на директно прашање без никаков контекст.
„Заедничките нуклеарни вежби се термин што го користат само нуклеарните сили“, изјави портпаролот на јужнокорејското претседателство.
