Актерката Анџелина Џоли е хуманитарка и борец за човековите права, поради што не останала имуна на моменталната состојба во Украина.
„Како и многумина од вас, се молам за луѓето во Украина“, напиша актерката Анџелина Џоли (46) на социјалните мрежи.
– Мојот фокус, како и фокусот на моите колеги, е да направам сз што е можно за да се обезбеди заштита и основните човекови права на раселените лица и бегалците во регионот – продолжи актерката.
– Веќе видовме извештаи за жртвите и луѓето кои почнаа да бегаат од своите домови во потрага по безбедност. Премногу е рано за да знаеме што ќе се случи, но значењето на овој момент не може да се прецени – додаде таа.
Да потсетиме, актерот Шон Пен (61) моментално е во Киев и снима филм за руската инвазија.
На протестот против руската инвазија на Украина пред руската амбасада во Мадрид се приклучи и колегата Хавиер Бардрем (52).
ФОТО: Инстаграм
