Вчера, во попладневните часови, Златибор беше зафатен од силно невреме кое донесе вистинска зимска идила среде летото.
Небесните порти се отворија и за само петнаесетина минути, улиците на оваа планинска убавица беа прекриени со густ слој мраз, кој ги претвори во белоснежни патеки.
Посетителите на Златибор не останаа рамнодушни кон оваа природна појава. Тие ја искористија оваа непредвидена промена на времето како можност да се разладат и да се забавуваат, создавајќи весели спомени и уникатни фотографии.
Жителите успеаја да изградат Снешко Белчо од мразот, кој брзо стана сензација на социјалните мрежи.
Фотографијата од снешкото, објавена на популарната Инстаграм страница 192.rs, предизвика бран на коментари и смеа, докажувајќи дека духот на заедницата и хуморот се непобедливи дури и пред лицето на непредвидливото време.
Коментарите на корисниците варираа од шеговити до восхитени, со забелешки како „Барем на лето прават, ако не можат во зима“, „Да не се вика Градко?“, „Снешко во август…“, и „Чудо од месечината“, што уште повеќе ја зголемија популарноста на оваа несекојдневна приказна.
„Сè траеше околу 15 минути. Падна толку град што сѐ побеле како во има. Градот беше со големина на џамлија“, објаснуваат посетителите на Златибор.
