Околу 20 жени и девојчиња демонстрираа во Кабул, извикувајќи „отворени училишта“ во знак на протест против одлуката на талибанските власти во Авганистан да го затворат средното образование за девојчињата, објави на лице место агенцијата Франс прес.Демонстрантите извикуваа „Правда“, а некои носеа плакати на кои пишуваше „Ми ја зедовте земјата, не ми го земајте образованието“.
Собирот траеше помалку од еден час откако вооружените талибанци пристигнаа на местото на настанот и ги растераа демонстрантите.
Талибанците, кои се на власт во Авганистан од август 2021 година, во средата ја поништија одлуката да им се дозволи на девојчињата да посетуваат средно училиште. Таа одлука беше поништена неколку часа пред најавеното доаѓање на девојчињата во училиштата.
Одлуката за забрана за пристап на девојчињата во училиштата предизвика бројни осуди од меѓународната заедница. ОН, Европската унија и САД ги повикаа властите на Талибанците да дозволат девојчињата да се образуваат.
Во текот на седумте месеци владеење, талибанците воведоа многу ограничувања за жените. Им е забрането да вршат многу државни работи, имаат ограничувања во начинот на облекување и им е забрането сами да патуваат надвор од нивните градови.
