Руското Министерство за надворешни работи денеска соопшти дека воведува забрана за влез за речиси 600 канадски граѓани, меѓу кои и премиерот Џастин Трудо.
Министерството објави список од 592 канадски државјани на кои им е забранет влезот во Русија.
– Нагласуваме дека руската страна ги воведува овие санкции исклучиво како присилна реакција на непријателските дејствија на канадското раководство – се вели во соопштението на руското МНР.
На списокот, меѓу другите, се и вицепремиерката Кристија Фриланд, министерката за одбрана Анита Ананд, Камерон Ахмад директор за комуникации на Кабинетот на премиерот и други функционери, пратеници, јавни личности и новинари.
Русија воведе слична забрана за патување на стотици британски членови на парламентот.
