2024 година е година на избори: Хрватска ќе одржи три – парламентарни, европски и претседателски, Европската унија го избира Европскиот парламент, изборите се во Русија, но најочекувани избори во сезоната се оние во САД. Америка избира претседател на почетокот на ноември, а многумина кои предвидуваа крај на политичката кариера на Доналд Трамп поради низа судски постапки – беа сериозно погрешни. Какви се шансите Трамп навистина да се врати во Белата куќа и какви би биле последиците од ваквите избори за Америка и глобалните меѓународни односи, коментира Ѓиво Ѓуровиќ за N1.
Според него, најсериозни последици покрај самото американско општество би претрпело и евроатлантската алијанса.
„Трамп би ја извадил Америка од НАТО! За Европа тоа би значело потреба од вооружување и значително поголема инвестиција во оружје. „Соработниците на Трамп од првиот мандат сведочеа дека тој постојано се распрашувал и нарачувал анализи што би значело повлекувањето на САД од НАТО и дали тоа може да се изврши“, посочи Ѓуровиќ.
Иако американскиот претседател Џо Бајден во моментов не е во најдобра позиција според анкетите, Ѓуровиќ е убеден дека се уште има предност во шансите да добие уште еден претседателски мандат.
„Трамп сега е постојано во медиумите. Поради судењето и тековниот процес, неговите гласачи се веќе на високо ниво на мотивација, но не верувам дека добил нови гласачи. Демократската кампања сè уште не е започната и демократското гласачко тело значително ќе се мобилизира како што се наближуваат изборите“, оценува Ѓуровиќ.
