Уапсено е младото момче кое со мачета упадна попладнево во загрепската класична гимназија и се закануваше на еден ученик, објави Индекс.хр., истакнувајќи дека младиот човек на возраст од 18 години бил уапсен во Загреб.
„Денеска околу 13.50 часот во простории на воспитно-образовна установа дошол непознат млад човек, по што во ходникот пресретнал ученик кој го барал, на кој потоа му се заканил со остар предмет. По заканите, младиот човек побегнал“, информираа од хрватската полиција.
Три часа подоцна, момќето било пронајден и уапсено во областа Медвешчак.
Првичните информации беа дека непознато лице со оружје влегло во гимназија во Загреб, а полицијата интервенирала и нема повредени во инцидентот.
Се’ уште се истражуваат сите околности и мотивот зад овој настан.
Според неофицијални информации, заднината на инцидентот е врсничка расправија поради која младиот човек влегол во училиштната зграда.
