Легендарниот рапер Тупак Шакур доби ѕвезда на Холивудската патека на славните, 26 години откако беше убиен во пукање од заседа.
Со свеченоста му била оддадена почит на уметникот кој загина на 25-годишна возраст по кратката, но спектакуларна кариера, во која од придружен танчaр стана една од највлијателните фигури во хип-хопот.
„Да стојам тука и да го претставувам семејството Шакур го исполнува моето срце со чест“, изјавила сестра на раперот, Секива Шакур, на откривањето на ѕвездата во Лос Анџелес.
„Тупак длабоко во себе отсекогаш знаеше дека е предодреден за нешто големо. И како негова помала сестра, ја имав таа привилегија да гледам како се создава таа големина“, додала Секива.
Познат по неговите емотивно интензивни стихови и природната дарба за сцена, Шакур продаде повеќе од 75 милиони плочи со хитови како „California Love“ и „Changes“. Шакур, исто така, стана клучна фигура во ривалството на хип-хоп источниот брег/западниот брег, кој исто така беше поттикнат од промоторите.
Иако е роден во Њујорк, Шакур се преселил со семејството во Калифорнија како тинејџер. Тој стана една од најпрепознатливите фигури на западниот брег пред да биде убиен во Лас Вегас во септември 1996 година. Околностите за неговата смрт сè уште се нејасни.
ФОТО: Инстаграм
