Во Газа успешно е завршена првата фаза од вакцинацијата против полиомиелитис, соопшти Светската здравствена организација (СЗО). Акцијата овозможи речиси 200.000 деца на палестинска територија да ја примат првата доза од вакцината.
Болеста се прошири и во Појасот Газа, каде што повеќето од неговите 2,4 милиони жители беа принудени да ги напуштат своите домови поради израелската воена офанзива започната како одговор на нападот на Хамас во Израел на 7 октомври.
По откривањето на првиот случај на детска парализа во Газа по 25 години, вакцинирањето започна благодарение на „хуманитарните паузи“ во борбите.
СЗО наведе дека целта е да се вакцинираат повеќе од 640.000 деца во Појасот Газа.
Albanian
English
Macedonian
Turkish
