По извршениот увид во ОУ „Владислав Рибникар“ било констатирано дека во ова училиште немало врсничкo насилство врз Коста К., кој на 3 мај 2023 година изврши масовно убиство и рани пет лица, меѓу кои и наставничката по историја.
Мина Зиројевиќ, член на Советот на родители во ОУ „Владислав Рибникар“ вели дека не е изненадена од наодите од инспекцискиот надзор и дека тоа веќе било познато.
– Го знаев тоа и го кажав веднаш, на првиот ден. Наодот на инспекцијата дека момчето не било изложено на насилство не ме изненади, но благодарна сум што брзо се направи. Во меѓувреме, децата, од 3 мај кога се случи трагедијата, беа под стигмата дека всушност сите тие се криминалци и главни виновници за тоа што се случи, а не беа. Сите ние во училиштето го знаеме тоа, знаеме што се случува таму и какви деца се тие – рече таа.
