Нов Зеланд го потврди првиот случај на беснило во земјата, кај пациент заразен во странство кој починал од оваа вирусна болест, соопштија локалните власти.
Лекарите ги примениле „сите мерки за контрола на инфекции“ во двете болници во кои е лекувана пациентот, соопшти Министерството за здравство.
Пренесувањето на беснило од човек на човек е исклучително ретко, практично непознато и затоа нема никаква опасност за јавноста, се додава во соопштението.
Беснилото обично се пренесува преку каснување, преку плунката на заразено животно.
Пациентот, чиј идентитет не е соопштен, беше осомничен дека ја има оваа болест кога беше примен во болница на почетокот на март.
Властите апелираа до луѓето да се вакцинираат пред да патуваат во земји каде беснилото е честа појава.
