Принцот Хари вчера пристигна во Високиот суд во Лондон на сослушување против издавачот на весникот „Дејли мејл“, а на Твитер почна да кружи видео од непријатниот момент пред судот, кога Хари случајно се судри со фотограф.
Како што можете да видите на видеото, Хари придружуван од обезбедувањето се упати кон вратата на судот, а на пат случајно му се испречил еден од насобраните фотографи, а принцот удрил во него.
Да потсетиме, принцот Хари поднесе тужба против „Асошиејтед њузпејперс“ (Associated Newspapers) заедно со други познати личности, вклучувајќи ги пејачот Елтон Џон, неговиот сопруг и режисер Дејвид Фурниш и актерките Елизабет Харли и Сејди Фрост.
Според соопштението објавено во октомври од адвокатите на Фрост и Хари, случајот против „Associated Newspapers“ вклучува наводи за прислушување телефони, автомобили и домови и плаќање на полицијата за чувствителни информации.
Медиумското вознемирување, наводно, било една од причините зошто Хари и неговата сопруга Меган Маркл се повлекле од кралските должности и се преселиле во Калифорнија за да создадат нови животи и кариери.
ФОТО: Твитер
