Пожарот на планината Галичица е активен на преспанска страна и се шири кон село Стење во општина Ресен. Во гаснењето учествуваат екипи на НП Галичица и Планинската спасителна служба при Црвен крст Охрид , информираат од регионалниот Центар за управување со кризи.
Од противпожарната единица во Ресен информираат дека се слушале и експлозии од куршуми и неексплодирани средства кои потекнуваат од периодот на Првата светска војна.
Пожарот на Илинска Планина, што се простира на подрачјата на општините Демир Хисар и Охрид е под контрола и на некои места има чад во веќе опожарениот дел кој не претставува опасност.
