Холгер Бадштубер, поранешниот германски репрезентативец, на 33 години реши да ја заврши кариерата.
За вториот тим на Баерн дебитираше на 18 години. Од 2009 година е постојан член на првиот тим на гигантите од Баварија, за кои до 2017 година одигра 119 натпревари и освои пет титули во германскиот шампионат. Со Баерн ја освои Лигата на шампионите во 2013 година.
Во 2017 година се врати во родниот Штутгарт, а во една полусезона настапуваше како позајмен играч во Шалке. Последен клуб во неговата кариера беше Луцерн.
За Германија играше на Светското првенство во Јужна Африка во 2010 година и на Европското првенство во 2012 година. За петте години играње за националниот тим одигра 31 натпревар и постигна еден гол.
