Олимпијадата, покрај спектакуларниот почеток, започна си со грешки и со гафови.
За време на парадата, спортистите од Јужна Кореја синоќа по грешка беа претставени како Северна Кореја.
Прес-службата на Интернационалниот олимписки комитет (ИОК) објави извинување за погрешното име на Јужна Кореја на свеченото отворање на Олимписките игри во Париз.
„Би сакале длабоко да се извиниме за грешката што се случи при претставувањето на делегацијата на Јужна Кореја за време на церемонијата на отворањето“, соопшти ИОК на официјалните социјални медиуми на корејски јазик.
Исто така, олимпиското знаме беше обесено наопаку за време на отворањето на Игрите во 2024 година во Париз.
Знамето беше неправилно фиксирано на јарболот, поради што се издигаше со два прстена нагоре, а не со три, како во класичната верзија.
Олимписките игри се одржуваат во Париз од 26 јули до 11 август.
