Во четвртокот вечерта во Србија имаше ново пукање во кое загинаа осум лица, а најмалку 13 беа ранети. Напаѓачот бил уапсен околу 8 часот во петокот наутро, јавуваат српските медиуми.
Напаѓачот отворил оган кај Младеновац, на четириесетина километри од Белград, а подоцна пукал и во селото Мало Орашје.
N1 Србија известува дека загинале осум лица, а повеќе од десет се ранети. Ова е второ масовно убиство во Србија за само два дена, откако 13-годишник во средата уби осум соученици и чувар во едно белградско училиште, а повреди уште шест ученици и еден наставник.
Ова не е прва масовно во околината на Младеновац
Масовното убиство што се случи синоќа во околината на Младеновац не е прво во овој регион. Ова злосторство, сепак, не може да се каже дека е „нечуено“ во овој регион.
Пред 10 години, на 9 април 2013 година, исто така во околината на Младеновац, во селото Велика Иванча, слично кривично дело извршил шеесетгодишниот Љ.Ј. Б…
