Додавањето семе од сусам во оброците може да помогне да се намали надуеноста, советува лекарот.
Јадењето семе од сусам како дел од здрава, урамнотежена исхрана може да помогне во олеснување на надуеноста кај некои луѓе, според доктор.
Чувството на надуен стомак и болна надуеност оптоварува голем број луѓе.
За среќа, д-р Сани Пател, од Dish Dash Deets, сподели дека изборот на здрава храна може да помогне.
Без разлика дали уживате во семето од сусам посипано преку оброкот или во форма на таан, тие нудат повеќе од богат вкус.
Преполни со здрави масти, протеини, витамини од групата Б, минерали, влакна и антиоксиданси, овие мали семки содржат некои импресивни здравствени придобивки.
Според д-р Пател, тие може дури и да ја намалат надуеноста кај некои луѓе. Сепак, науката зад ова тврдење не е толку црно-бела.
Докторот вели дека има ограничени научни докази кои сугерираат дека сусамот директно ја намалува надуеноста.
„Сепак, сусамот може индиректно да придонесе за подобрување на варењето, што може да помогне во ублажување на надуеноста кај некои луѓе“, советува таа.
„Доколку надуеноста е предизвикана од запек или неправилни движења на дебелото црево, содржината на влакна во семето од сусам, во комбинација со други извори на влакна, може да помогне во ублажување на надуеноста со текот на времето. Влакната ја зголемуваат количината на столицата, го поттикнуваат редовното празнење на дебелото црево и помагаат во спречување на запек“, објаснува докторката.
Соодветниот внес на влакна може да ја намали надуеноста и непријатноста поврзани со неправилни движења на дебелото црево. Сепак, степенот на намалување може да варира во зависност од сериозноста на основниот проблем“, потсетува Пател.
Покрај содржината на влакна, семето од сусам содржи и дигестивни ензими како липаза и протеаза. Ефикасното варење исто така може да помогне да се намали веројатноста за непријатна надуеност.
Уште повеќе, семето од сусам има и антиинфламаторни својства кои можат да помогнат да се реши надуениот стомак предизвикан од воспаление.
Сепак, ова здраво семе може да не делува за секого, предупреди докторот.
Д-р Пател додава дека за поединци со одредени дигестивни проблеми или нетолеранција на храна, како што е синдромот на нервозно дебело црево (IBS) или нетолеранција на лактоза, сусамот само по себе можеби не е доволен за да се реши основната причина за надуеност, пишува Express.
