По домашниот пораз од Англија со 1:2 на стартот од квалификациите за ЕП 2024 во групата во која е и Македонија, селекторот на Италија, Роберто Манчини, изјави дека „Аѕурите“ имаат недоволно напаѓачи.
Откако се повреди Чиро Имобиле, Манчини остана со тројца класични напаѓачи (Скамака, Вилфред Гното и Матео Ретегуи). Поради таквата ситуација, италијанскиот селектор истакна дека во овој момент се соочуваат со недостаток на напаѓачи.
По таквата изјава на Манчини се јави Марио Балотели.
– Во Италија има многу напаѓачи и тие се во форма, верувајте ми. Жалењето е чувство на оној кој не ја научил лекцијата – изјави напаѓачот на Сион кој на 14 натпревари оваа сезона постигна пет голови.
