Министерот за надворешни работи на Русија, Сергеј Лавров денеска предупреди дека сите дејствија што ќе се сметаат за загрозување на рускиот мировен контингент во молдавската област Приднестровје, ќе се сметаат за напад врз Русија.
Русија на таа област започна мировна мисија во 1992 година, по тримесечната војна по која Приднестровје беше надвор од контрола на Молдавија, потсетува АП.
Во април тензиите во Молдавија се интензивираа по серијата експлозии во Приднестровје.
– Сите треба да разберат дека секоја акција би претставувала закана за нашата армија и, во согласност со меѓународното право, би се сметала за напад врз Руската Федерација – додаде Лавров.
